Surat Terbuka Kepada Khairul Fahmi Che Mat.

Assalamualaikum Apex

1. Ganno boh? Sehak?

2. Aku adalah seseorang hok ore sokmo royak muko srupo mu walaupung aku serro aku jauh lagi semak. Serupo dengan mu, aku jugok maing bola (center bek), body katam, rambuk pachok, hensem dan mempunyai rama gewe2 hok berkene' kak aku bersusung berjujuk (bajek!!)

3. Jadi hok aku nok royak nyo arinih, apabilo aku terbaca skandel2 pasa mu, samada beto ataupun tidok, sedikit sebanyak ia menyebakkan aku pong traso sedih dan tok puah hati.

4. Mulo2nyo, aku nok royak jugok walaupung aku pasti ramai ore royak doh, mu kene sedar mu adalah idola masyarakat untuk Malaysia dan paling penting lagi Kelate! Jadi setiap gerok langkoh mu semua ore dok perati.

5. Jadi ore2 glamer srupo mu ngan aku ni , ake dengan pastinya menarik ramai ore hok nok jumpo, salle dan paling best bergewe dengan kito. Gewe-gewes ni srupo manusia laing. Ado hok molek. Ado hok srupo nate.

6. Tapi ambo mitok maaf tapi nok keno royak, malangnya gewe2 mu selama ni, samada muko or perangai dio srupo menate!

7. Bakponyo mu pilih hok huduh? Bakponyo mu pilih hok seksi? Bakpo nyo mu pilih hok kopek besar? Bakponyo mu pilih hok sosial? Semaye ko dok gewe-gewe mu nih? Mu gilo?

8. Mu sedar dog, berapo ramai doh hok kelih kopek gewe mu? Kelih peho dio? Jamoh burik dio? Ore lagu ni muk nok bbini? Mu nok ore gini jadi mok anok mu? Jago mu bilo mu tok leh maing lagi satu hari. Yes. The time will come my friend.

9. Mu kene ingak. Kalu mu suko hok seksi dan body comey, tak dog gewe hok buleh menten gitu pah bebilo. Bilo tuo sakni, abih doh lah body dio. Tapi kalu mu pilih hok berugama, hok baik hati, insyaAllah dia akan menten gitu sapa mu mati.

10. Mu jange bodo. Mu tahu dog brapo ramai gewe2 hok comey lagi tapi berugama, pakai tudung dan baik hok minak ke mung? Haa? Tahu dog? Gewe2 bertudung labuh ni, kalau pakai miniskirt pong seksi jugok! Cumo dio tok tunjok kak semuo ore! Tunjuk kak bakal tok laki dio jah. Ni lah betul2 yg di namakan "dara". Tak dog ore kelih satu cm pong kulit dio.

11. Aku pahe, sebab mu mudo lagi dan tengoh kuak bersukan, hormone mu tok stabil menyebabkan nafsu seks mu bergelora. Peler kerah sokmo. Jadi bilo ado ore offer, berak benarlah lah mu nok tolok.

12. Tapi mu keno ingak, setiap gewe hok mu tubik dating, hok mu pege tange dan hok mu jamoh, semakin jauhlah mu dari Allah dan semakin jauh dari gewe2 hok baik tadih. Allah menjanjikan pasangan baik utk lelaki yg baik. Jadi bilo mu sendiri hok jahak, meme dgn pastinya bini mu nati jahak.

13. Sedarlah wahai Apex tentang fitnah wanita.
Kalu mu kelih dio, ore kato mu nok ko dio.
Kalu mu mari dok dekak dio, ore kato mu nok ngorak la tu.
Kalu mu ngorak dio, ore kato mu gelenya.
Kalu mu dok sebeloh dio, ore kato mu dok gewe.
Kalu mu pegang tangan dio, ore ake pikir gappo lagi hok mu doh pege.
Kalu mu jamoh kopek dio, ore kato mu romen dio.
Kalu mu romen dia, ore ake pikir brapo rama lagi hok mu doh romen.

14. Aku tahu mu bersemangak tinggi. Jadi lawe lah nafsu dan syaitan itu sebagaimana mu lawe bola. Mu jagolah perangai mu molek. Mu jagolah hati mu molek. Mu jagolah iman mu molek. Sebagaimana mu jago gol Malaysia sokmo2 dengan moleknya. Jange kasi go sebutir habuk pong. You can do it. Good luck!

Seian mekasih wassalam.